Dore icyatuma ibyamamare bigufata nk'ikitegererezo!

Nubwo udatunze byinshi, ukaba utari icyamamare, ukaba uvuka mu cyaro, ukaba utarize mu mashuri ahambaye cg utaranize; birashoboka ko hari abantu benshi bakubona bakakubaha, bakifuza kugukoraho, bakifuza kumera nkawe, bakagufata nk'ikitegererezo.



Uko witwara, uko ubaho, amagambo uvuga n'abantu mugendana; ni bimwe mu bintu biguhesha icyubahiro mu bantu bakubona.
Abakomeye, ibyamamare, n'abandi bantu utekereza ko mutari mu rwego rumwe, bashobora kukubaha, bakagufata nk'umuntu ukomeye mu gihe nawe wiyubahishije.


Kwiyubahisha ntibivuze guhindura uwo uriwe ngo umere nka runaka; wowe ubwawe ba wowe, ukore nkawe, utekereze nkawe, kuko gushaka kumera nk'undi muntu bizagutesha ikuzo gusa ntakindi.

Iyo ugerageje kumera nk'undi muntu, birangira uhuye n'ikibazo cy'uko utazabigeraho. Bityo ugasanga wowe uhora nta kizere. utajya ubona ko hari intambwe utera kuko urebera ku ntambwe z'abandi.

Ba wowe, maze urebe ngo abantu b'ingeri zose barakubaha. Na ba bandi utatekerezaga.

Comments

Post a Comment

Popular posts from this blog

Igisigo cy'urukundo(Ntawe utagukunda)

Image
  Ntako bisa kugira umuntu ukunda kandi na we akagukunda. Nta kindi utekereza kitari we, uramutekereza ugasusuruka, akamurikira umwijima ukurimo ugatahwa n'umunezero; ibinezaneza bikakuzura; inkangara yuzuye ibyishimo igasandarira mu isura yawe, abakubona bakayoberwa ibanga. Amaso yawe akarebana ubwuzu, umunabi ukagenda nka nyomberi, agahinda wirirwanye kagenda wumva; noneho wakumva ijwi ry'umukunzi, ugahita usinzira ugakangukira muri paradizo, amatwi yawe aryumva nk'indirimbo ya mbere iryoshye ku isi yose, ineza ye ikaba akarusho wiratana aho uri hose. https://nigute.co.rw Kumubwira ko umukunda ni ryo jambo rikuniga, ukanga kurimira akari ku mutima kagasesekara ku munwa, akakubwira ko nawe ari uko. Urukundo we! Ni umuti ukuvura, rukaba ingabo ikurinda ingeso mbi, uko amasaha yicuma rurushaho gukura, bikarangira rukugize undi muntu.
Read more

Ese abakristo batandukaniye he n'abantu bandi?

Image
Abantu benshi muri iyi minsi ni Abakristo. Bivuze ko bakurikiye Kristo Yesu. Ariko abenshi ntekereza ko batazi igisobanuro cy'iryo zina biyambika. Kuba bajya gusenga, bakaba bafite ibitabo byigisha iyobokamana, bafite inshingano mu rusengero, biyiriza; si byo bituma baba abakristo beza. Ushobora gusanga umuntu usanzwe ari umukristo mwiza kurusha pasteur. UMUKRISTO NI IKI? Mbere y'uko umuntu aba umukristo, ni umuntu.Kugira ngo rero umuntu ave mu kuba umuntu gusa abe n'umu Kristo, bisaba ko abanza kuzuza inshingano n'indangagaciro za kimuntu. Iyo yamaze kuzuza inshingano ze nk'umuntu, noneho yatangira akajya asenga, akiyiriza agakora n'ibindi atekereza ko bimugira umukristo. ARIKO; mu gihe utaruzuza indangagaciro za kimuntu, gushaka Kristo ndumva ntacyo byaba bikumariye. INDANGAGACIRO ZA KIMUNTU NI IZIHE? Nk'uko twese tubizi, kuba mu buzima bisaba kuba ufite uko ubayeho. Ushobora kuba ubayeho neza cyangwa nabi, uri umukene cyangwa umukire, ariko se uko ubayeho
Read more

Gukunda utagukunda, nta gihombo kirimo

Image
Gukunda utagukunda birababaza, ariko nta gihombo kirimo. Gukunda umuntu bitanga umunezero, ark bikaba akarusho iyo uzi ko na we agukunda. Wiyumvamo ikizere kandi ugahorana akanyamuneza. Ariko nanone mu gihe uwo ukunda we atagukunda, nabwo gukomeza kumufata nkuko wamufataga ntacyo biguhombya. Ntabwo aba akwanze kandi na we ntaba ashaka kukwanga. Hari igihe aba afite undi akunda, cyangwa akaba abona ko mudahuza. Niba ari ibyo wakomeza kumubera inshuti kuko kugira inshuti cg kuzikunda ntacyo biguhombya. Urabakunda, ukabitaho nk'inshuti bikarushaho kukunezeza. Nonese umuntu ukunda niba akunda undi, kuki we utamufata nk'imwe mu nshuti zawe? Hari igihe yazabona ko umubereye ark natabibona, reka gukomeza kumwikururaho umufate nk'inshuti isanzwe nawe ushobora kuba ufite undi muntu wagukunda kurusha uko ubitekereza. Ntuzabe nka b'abandi batandukana bagahita bahinduka abanzi. Mbwira icyo ubitekerezaho.
Read more